Тоң райондук өнүктүрүү фондунун дирекциясы башкы адис кызмат ордуна сынак жарыялайт

Сынак эки этаптан турат: 1-документтерди кароо, 2-аңгемелешүү.

Кесиптик билимдин деңгээли: инженердик-техникалык жогорку билим(курулуш, архитектура, жерге жайгаштыруу ж.б.) жана техникалык көзөмөл жүргүзүү боюнча лицензиялуу адиске артыкчылык берилет.

Иш стажысы жана тажрыйбасы: жалпысынан тийиштүү кесиптик чөйрөдө 3 жылдан кем эмес иш стажы;

Кесиптик компетентүүлүгү:

Кыргыз Республикасынын “Эмгек”, “Бюджет” кодекстери, Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу жөнүндө” мыйзамы, Кыргыз Республикасынын Министрлер Кабинетинин 16.01.2023-жылдагы “Региондорду өнүктүрүү фонддорун түзүү жөнүндө” токтому ж.б. КР жалпы мыйзамдары, ошондой эле тиешелүү тармактагы мыйзамдары.

Функционалдык милдеттери:

-арыздар, кайрылууларды каттайт 

-электрондук кат алышууну уюштурат;

-фонддун иш кагаздарын жүргүзөт жана архивге өткөрүү иш аракеттерин көрөт;

-өтүнмө берүүчүдөн келип түшкөн долбоорлорду кабыл алат,өтүнмө ээсине тастыктоо берүү  менен каттоодон өткөрөт;

-долбоордун  долбоордук-сметалык документтерге шайкеш келүүсүнө жана долбоорлор боюнча берилген документтердин толуктугунун предметине талдоо жүргүзүп, корутунду даярдайт;

-аткарууга алынган долбоорлордун аткарылышы боюнча отчет даярдайт;

-Жобого ылайык келген долбоорлорду Байкоочу Кенештин кароосуна даярдайт;

-Фонддун иши тууралуу маалыматтарды даярдайт;

-квартал сайын расмий басылмаларда Фонддун каражаттарынын пайдаланылышы тууралуу маалыматтарды жарыялайт, ошондой эле бул маалыматты жергиликтүү мамлекеттик администрациясынын веб-сайтына жана/же Кыргыз Республикасынын Президентинин облустагы ыйгарым укуктуу өкүлүнүн аппаратынын сайтына жайгаштырат.

-зарыл учурда мамлекеттик сатып алуулар боюнча конкурстарга катышат;

-башкы бухгалтер жок учурда башкы бухгалтердин функционалдык милдеттери кошумча жүктөлөт;

Көндүмдөрү:

-ченемдик укуктук актылар менен иштөө жана аларды тажрыйбада колдонуу;

-ишти пландаштыруу жана жумуш убактысын туура бөлүштүрүү;

-башкаруучулук чечимдерди ыкчам жүзөгө ашыруу;

-компьютердик жана уюштуруу техникасын, зарыл болгон программалык продуктыларды  колдоно билүү;

- кызматтык милдеттерин аткарууда зарыл болгон көлөмдө мамлекеттик жана расмий тилдерди билүү.

Сынакка катышуу үчүн төмөндөгү документтерди тапшыруу керек:

-фонддун аткаруучу директорунун атына бош кызмат ордуна кабыл алуу тууралуу өздүк арызы;

-кадрларды эсепке алуу боюнча өздүк баракча (сүрөтү 4х6 2даана);

-резюме;

-өмүр баян;

-паспорт көчүрмөсү;

-билимин, квалификациясын, эмгек стажысын ырастаган документтердин нотариустан же мурунку иштеген жериндеги персоналды башкаруу кызматы тарабынан күбөлөндүрүлгөн көчүрмөсү.

Документтер жарыя чыккан күндөн баштап 10 (Он) жумушчу күндүн ичинде кабыл алынат.

Дареги: Тоң району, Бөкөнбаев айылы, Атакан көчөсү №53, райондук мамлекеттик администрациясынын имараты, 3-этаж, 2-кабинет, Тоң районун өнүктүрүү фондунун дирекциясы.

Байланыш телефондору: 0(3947) 91002; 0500066650